هۆپ ـ هافی (HOPP HAFI) ده‌‌یه‌وێت یاریده‌ی ژن و کچی له‌سه‌روو هه‌ژده‌ساڵانه‌وه‌ بدات که‌ ده‌ستدرێژیی سێکسییان لێ کراوه‌ و به‌زۆر باخه‌ڵیی کراون. ئێمه‌ ده‌مانه‌وێت زانیاری و ئاگایی ده‌رباره‌ی ده‌ستدرێژیی سێکسی له‌نێو ژنانی کورد و عه‌ره‌بدا بڵاو بکه‌ینه‌وه‌.

ئێمه‌ ده‌توانین ئه‌مانه‌ دابین بکه‌ین:

• له‌و بوارانه‌دا پشتگیری و ڕاوێژ پێشکه‌ش بکه‌ین که‌ پێوه‌ندییان به‌ پرسی‌ وه‌ک ده‌ستدریژیی سێکسی و هه‌موو توندوتیژییه‌که‌وه‌ هه‌یه‌ که‌ به‌ پاساوی شه‌ره‌فپارێزییه‌وه‌‌ ئه‌نجام ده‌درێن‌.
• زانیاری ده‌رباره‌ی ده‌ستدرێژیی سێکسی به‌ کۆمه‌ڵه‌ کوردییه‌کان ڕابگه‌یه‌نین.
• بۆ دایکوباوکی کۆچهێن دیاری بخه‌ین که‌ ده‌ستدرێژیی سێکسی له‌ فه‌رهه‌نگی ئه‌وانیشدا پێش دێت و ئاگاداریشیان بکه‌ینه‌وه‌.
• بوار بۆ ئه‌و که‌سانه‌ بڕه‌خسێنین که‌ ده‌ستدرێژییان لێ کراوه‌ بۆ ئه‌وه‌ی بتوانن باسی ده‌ستدرێژییه‌که‌ بکه‌ن و داوای یارمه‌تی‌ بکه‌ن.

ئێمه‌ توندوتیژی به‌ ناوی پاراستنی شه‌ره‌فه‌وه زه‌ق ده‌که‌ینه‌وه‌، سه‌ردانی ئه‌و که‌سانه‌ ده‌که‌ین که‌ له‌به‌ر هۆی جۆراوجۆر ناتوانن په‌نامان بۆ بهێنن.

ئێمه‌ ده‌مانه‌وێت هاوکاریی کۆمه‌ڵه‌کانی خه‌ڵکه‌ کۆچهێنه‌کان و بنکه‌کانی پێشوازیکردنی ئاواره‌کان و خوێندنگه‌کانی زمانی سوێدی بۆ بیانییه‌کان SFI و سه‌نته‌ره‌کانی ژنان و کۆمه‌ڵه‌کانی HOPP و ئێشکگه‌ی Somaya ـه‌ی په‌رستاران و چی و چی تر بکه‌ین.

ته‌له‌فۆن: 558 739 ـ 0762

ئێ پۆست: hopp.hafi@hopp.org

‌ HOPP HAFI ئێمه‌ له‌پێناو کۆمه‌ڵگه‌یه‌کی یه‌کسان و دوور له‌ ده‌ستدرێژیی سێکسیدا کار ده‌که‌ین.

Hopp-hafi کۆمه‌ڵه‌یه‌کی له‌خۆبورده‌ی بێلایه‌نی سیاسی و ئایینییه‌ که‌ دژی ده‌ستدرێژیی سێکسی له‌ هه‌موو پاریزگه‌ی سوێددا، کار ده‌کات. ئێمه‌ ڕوو له‌و ژن و که‌سوکاری ئه‌و ژنانه‌ ده‌که‌ین که‌ ده‌ستدریژیی سێکسییان لێ کراوه‌ و به‌زۆر باخه‌ڵییان کراوه‌. ئێمه‌ ڕوو له‌و گرووپه‌ پیشه‌مه‌ندانه‌یش ده‌که‌ین که‌ له‌ ڕێی کاری خۆیانه‌وه‌ پێوه‌ندییان به‌ ده‌ستدرێژیی سێکسییه‌وه‌ هه‌یه‌ و زانیاریی زیاتریان پێویسته‌.

HOPP HAFI  لێدوانی یه‌کبه‌یه‌ک‌ و پشتگیریی کۆبه‌کۆ‌ پێشکه‌ش ده‌کات 

.  مه‌به‌ست و ئامانجی  HOPP HAFI

• کار بۆ ئه‌وه‌ ده‌کات که‌ هاوکاری و تۆڕی پێوه‌نده‌ی له‌ شاره‌وانیی ستۆکهۆڵم و و هه‌موو پارێزگه‌که‌دا په‌ره‌ بستێنێت.
• کار بۆ ئه‌وه‌ ده‌کات هه‌لومه‌رجه‌کانی پشتگیری و به‌خۆداهاتنه‌وه‌ی ئه‌وانه‌ و خزم و که‌سی ئه‌وانه‌ی ده‌ستدرێژیی سێکسییان لێ کراوه‌ ‌چاکتر ببن و، وه‌ک لایه‌نێکی هه‌واڵه‌کردن و داهێنه‌ری ئه‌و ڕایه‌ گشتییانه‌ کار بکات که‌
• پێوه‌ندییان به‌ ده‌ستدرێژیی سێکسییه‌وه‌ هه‌یه‌ و ڕێی بڵاوبوونه‌وه‌ی قسه‌ هه‌ڵبه‌ستراوه‌کانی ده‌رباره‌ی ده‌ستدرێژیی سێکسی بگرێت.
• کاری HOPP HAFI  به‌سینگی فراوانه‌وه‌ ئه‌نجام بدرێت و ڕه‌نگی به‌های یه‌کسانی هه‌موو مرۆڤێک بداته‌وه‌.
•